Mae Ynni Gwynt Cymru wedi’i ymgorffori yng nghymunedau Conwy a Sir Ddinbych, ac mae’n ymroddedig trwy ei gynlluniau i gefnogi’r cymunedau lle mae’n gweithredu. Mae datblygu cronfa leol yn un ffordd o ddarparu buddiannau lleol. Bydd Ynni Gwynt Cymru’n cyfrannu £3,000 y MW y flwyddyn i’r gronfa – h.y. oddeutu £150,000 y flwyddyn.

Mae pob uned o ynni a gynhyrchir drwy’r ffermydd gwynt yn cyfrannu tuag at gronfa gymunedol a fydd yn buddsoddi yn yr economi, diwylliant, amgylchedd a’r gymuned leol yng Nghonwy a Sir Ddinbych, ac hefyd i ddigwyddiadau cenedlaethol sy’n bwysig i’w gefnogwyr.

Mae Ynni Gwynt Cymru’n sicr y dylai’r penderfyniadau ar sut caiff y gronfa budd cymunedol ei wario eu gwneud yn annibynnol. Mi fydd yr arian felly’n cael eu ddosbarthu i brosiectau yn y gymuned leol trwy Vestri – cwmni budd cymunedol a sefydlwyd gyda’r nod pendant o ddosbarthu’r gronfa.

Mae hwn yn fwy nag addewid gwag – mae’n ymrwymiad real sydd eisoes yn cael ei wireddu trwy gefnogaeth ariannol Ynni Gwynt Cymru tuag at weithgareddau megis:

• 
  

  Mae Ynnigwynt Cymru wedi helpu i sefydlu Cwmni Budd-dal Cymunedol annibynnol, ‘Vestri’, sy’n datblygu strategaeth, pennu blaenoriaethau, a dosbarthu cronfeydd budd-dal cymunedol. Alun Pugh, cyn Aelod o Lywodraeth Cynulliad Cymru sy’n arwain Vestri, ac mae o’n cael ei gefnogi gan gynrychiolydd pwyllgor y cymunedau ac awdurdodau o fewn ardal Ynnigwynt Cymru.

  Official Website:
  http://www.vestri.org.uk

• 
  

  Mae’r Urdd yn fudiad deinamig, cyffrous ar gyfer plant a phobl ifanc. Mae’n trefnu amrediad o weithgareddau gwahanol ar draws Cymru. Mae ganddyn nhw 16 swyddog datblygu sy’n gweithio ledled Cymru er mwyn sicrhau bod yr Urdd yn cynnig rhaglen lawn o weithgareddau ar gyfer plant a phobl ifanc. Sefydlwyd yr Urdd yn 1922, er mwyn rhoi cyfle i’r plant a phobl ifanc ddysgu a chymdeithasu drwy gyfrwng y Gymraeg. Mae’n rhoi cyfle i bobl ifanc Cymru fyw bywyd bywiog drwy gyfrwng y Gymraeg, gan ddysgu ar yr un pryd i barchu ei gilydd a phobl ar draws y byd. Mae’r Urdd yn croesawu siaradwyr Cymraeg a Dysgwyr.

  Official Website:
  http://www.urdd.org

• 
  

  Mae Eisteddfod Genedlaethol Cymru yn un o’r Gwyliau mwyaf yn y byd, yn denu dros 160,000 o ymwelwyr bob blwyddyn. Yn gymysgedd trydanol o ddiwylliant, cerddoriaeth, celfyddydau gweledol a phob math o weithgareddau ar gyfer pobl o bob oedran, mae rhywbeth i gael ar gyfer pawb ar y Maes yn ystod wythnos gyntaf Awst bob blwyddyn. Gŵyl sy’n teithio yw’r Eisteddfod, ac mae’n perthyn i bobl Cymru - lle bynnag maen nhw’n byw. Mae hyn yn rhan annatod o’i hapêl. Mae’r ŵyl yn ymweld ag ardaloedd yng Ngogledd a De Cymru yn eu tro, ac mae cynnal yr Eisteddfod Genedlaethol yn hwb mawr i unrhyw ardal.

  Official Website:
  http://www.eisteddfod.org.uk

• 
  

  Mae Eisteddfod Ryngwladol Gerddorol Llangollen yn Ŵyl 6 diwrnod sy’n llawn cerddoriaeth, dawns a chân. Caiff ei chynnal bob blwyddyn yn nhref fechan Gymreig, Llangollen. Mae’r Eisteddfod wedi ei chynnal ers 1947, ac ers 1987 cynhaliwyd cystadleuaeth Corau’r Byd yno. Yn 2005, ychwanegodd Luciano Pavarotti ei enw at y gystadleuaeth i gydnabod ei werthfawrogiad o’r Ŵyl a’i dylanwad ar ei yrfa.

  Official Website:
  http://www.llangollen2009.com/

• 
  

  Mae Treialon Cŵn Defaid yn ddigwyddiad â’i wreiddiau yn mynd yn ôl i’r 1870au. Mae’r gystadleuaeth Prif Bencampwriaeth Ryngwladol, wedi ei chynnal yn flynyddol ers 1906, pan sefydlwyd Cymdeithas Cŵn Defaid Rhyngwladol (ar wahân i flynyddoedd y Rhyfel, a 2001 pan gafwyd cyfyngiadau oherwydd Clwy’ Traed a Genau). Dathlodd y Gymdeithas ei chanmlwyddiant yn 2006 yng Ngororau’r Alban. Roedd hyn ym mhresenoldeb y Dywysoges Anne, sydd erbyn hyn yn Noddwr y Gymdeithas.

  Official Website:
  http://www.internationalsheepdogtrials.co.uk/

• 
  

  Sefydlwyd yr Ŵyl Gerdd Dant i hybu’r grefft hynafol o ganu penillion i gyfeiliant y Delyn. Mae gan Gerdd Dant le cynnes yn hanes y traddodiad Cymreig. Yn ei hanfod, mae’n grefft o gyflwyno neu berfformio barddoniaeth i gyfeiliant y Delyn. Ers talwm, cenid y penillion mewn cynghanedd, sef mesurau caeth wedi eu seilio ar gyflythrennu a rheolau cymhleth. Yn ddiweddarach, defnyddiwyd mesurau rhydd yn ogystal â’r caeth.

  Official Website:
  http://www.cerdd-dant.org/

• 
  

  Sefydliad ieuenctid gwirfoddol ydi CFfI Cymru, sy’n cynrychioli 6,000 o bobl ifanc o gefn gwlad Cymru. Er mai ‘Ffermwyr Ifanc’ y gelwir hwy, mae eu haelodau ifanc yn cynrychioli pobl ifanc o bob cefndir - does dim rhaid i chi fod yn ffermwr i berthyn. Yn wir, os ydych chi rhwng 10 a 26 oed, ac eisiau llawer o hwyl a dysgu’r un pryd, yna ymunwch â’r CFfI Cymru.

  Official Website:
  http://www.yfc-wales.org.uk/

• 
  

  Mae gan Grŵp Strategaeth BWEA Cymru un ar hugain o aelodau ymroddedig sy’n eiddgar i gyfrannu at gyflawni targedau egni adnewyddadwy Llywodraeth Cynulliad Cymru. Ar yr un pryd, byddant yn cyflwyno syniadau er mwyn ffurfio polisïau egni adnewyddadwy ar gyfer Cymru. Mae Llywelyn Rhys, Pennaeth BWEA Cymru, yn gyflogai llawn amser gyda BWEA, ac yn gweithio o swyddfa yng Nghaerdydd. Mae’n arwain ymdrech y grŵp i sicrhau bod y partneriaid yn cydweithio’n agos â’i gilydd i oresgyn rhwystrau rhag cyflawni’r polisïau a’r targedau presennol, ac i greu polisïau ar gyfer y dyfodol.

  Official Website:
  http://www.bwea.com/wales